ஜனவரி 27 TNTJ

அஸ்ஸலாமு அலைக்கும்

சென்னையை ஸ்தம்பிக்க வைத்த ஆர்ப்பாட்டம்!

'பாபர் மஸ்ஜித்' இடிக்கப்பட்டது சம்பந்தமாக அலகாபாத் உயர்நீதி மன்றம் அளித்த சட்ட விரோத தீர்ப்பை எதிர்த்தும், முஸ்லிம்களுக்கு முழு சொந்தமான அவர்களின் பள்ளியை அவர்களிடம் ஒப்படைக்க வலியுறுத்தியும் இன்று காலை சென்னையில் 11 மணிக்கு, தமிழ்நாடு தவ்ஹீத் ஜமாஅத் (TNTJ) தலைமையில் ஆரம்பித்த ஆர்ப்பாட்டம் சென்னை மாநகரை ஸ்தம்பிக்க வைத்தது! எல்லாப் புகழும் இறைவனுக்கே!

15 மாவட்டங்கள் சென்னை ஆர்ப்பாட்டத்திலும், 25 மாவட்டங்கள் மதுரை ஆர்ப்பாட்டத்திலுமாக கலந்துக் கொண்டன. அதில் ஆண்கள் மட்டுமில்லாமல், கைக் குழந்தைகளோடு பெண்களும், வயதானவர்கள், முதியவர்கள், ஊனமுற்றவர்கள் என்று அனைவரும் கலந்து, பாதிக்கப்பட்ட தங்களின் உணர்ச்சிகளை வெளிப்படுத்தி உயர்நீதி மன்றத்திற்கு கண்டனக் குரல் எழுப்பினர். உட்காரக்கூட இடமில்லாத‌ மக்கள் கூட்டத்தில் பலகீனமான சிலர் தங்களின் பிரயாணக் களைப்பினாலும் வெயிலினாலும் மயக்கமடைந்து ஆம்புலன்ஸ் மூலம் ஆஸ்பத்திரிக்கு அழைத்துச் செல்லப்பட்டனர்.

வந்து குவிந்துக் கொண்டேயிருந்த மக்கள் வெள்ளத்தை சமாளிக்க முடியாத போலீஸார், சென்னை நகருக்குள் நுழையும் முன்பே நூற்றுக்கணக்கான வாகனங்களை தடுத்து நிறுத்தினர். "அனைத்து வாகனங்களும் வந்து சேராதவரை நாங்கள் பேரணியை முடிவுக்கு கொண்டு வரமாட்டோம்" என்று TNTJ வினர் அறிவிப்பு செய்த‌ பிறகு மீதமுள்ள வாகனங்களும் அனுமதிக்கப்பட்டன. என்றாலும் நெருக்கடியான போக்குவரத்தினால் கடைசிவரை ஆர்ப்பாட்டத்தில் வந்து கலந்துக்கொள்ள முடியாத சூழலும் சிலருக்கு ஏற்பட்டதாக தெரிகிறது. சென்னை உயர்நீதி மன்றம் வரை பேரணி செல்லும் வழி முழுவதும் மக்கள் பெருமளவில் திரண்டுவிட்ட‌தால், உயர்நீதி மன்றம் வரை செல்வதாக இருந்த பேரணி அசையக் கூட‌ முடியவில்லை. சுமார் 12:30 மணி வரை தொடர்ந்த கோஷ‌ங்களுக்கும் முழக்கங்களுக்கும் பிறகு பி. ஜெய்னுலாபிதீன் அவர்கள் சிறிது நேரம் உரை நிகழ்த்தினார்கள்தமிழ்நாடு தவ்ஹீத் ஜமாஅத் அழைப்பை ஏற்று சென்னை மற்றும் மதுரையில் உச்சநீதிமன்ற கிளைகள் முன்பு திரண்ட அனைத்து நல்உள்ளங்களுக்கும் நன்றி. உங்கள் மீது இறைவனின் மாபெரும் கிருபை உண்டாகட்டுமாக.

JAN27 tntj

 ஜனவரி 27 ஆர்ப்பாட்டம்.

ஜனவரி 27 மதுரை ஆர்ப்பாட்டத்திற்கு செல்வோர் கவனத்திற்கு!

மண்டபங்களில் உள்ளவர்களும் ராமநாதபுரம், சிவகங்கை மாவட்டங்களை சார்ந்தவர்களும் காமராஜர் சாலை கீழவெளி வீதி தவிட்டுச் சந்தை தெற்கு வெளி வீதி வழியாக வாகனத்தில் வந்து டிவிஎஸ் பெட்ரோல் பங்க் (கிரைம் பிராஞ்ச்) அருகில் இறங்க வேண்டும்.
புதுக்கோட்டை, தஞ்சை வடக்கு, தஞ்சை தெற்கு, நாகை தெற்கு, நாகை வடக்கு, திருவாரூர், திருச்சி, பெரம்பலூர் ஆகிய மாவட்டங்களிலிருந்து வருபவர்கள் பாண்டிக்கோவில் அருகில் உள்ள சர்வீஸ் ரோடு வழியாக ஏவி மேம்பாலம் கீழ வெளி வீதி தெற்குவெளி வீதி தவிட்டுச் சந்தை வழியாக வந்து கிரைம் பிராஞ்ச் அருகில் இறங்க வேண்டும்.
திருநெல்வேலி, குமரி, தூத்துக்குடி மாவட்டங்களை சேர்ந்தவர்கள் பழங்காநத்தம் நடராஜ் தியேட்டர் பைபாஸ் பாலம் தபஞ ஆபிஸ் எதிர்புறம் வழியாக வந்து எல்லீஸ் நகர் பாலம் முன்பு இறங்க வேண்டும். தேனீ, திண்டுக்கல், நாமக்கல், கரூர் மாவட்டங்களைச் சேர்ந்தவர்கள் காளவாசல் சந்திப்பு சோலைமலை அரசரடி ரயில்வே ஜங்சன் மேற்கு நுழைவாயில் அருகில் இறக்கி விடவும்.
பஸ்களும் வேன்களும் பேரணிக்கு வந்தவர்களை மேற்சொல்லப்பட்ட இடங்களில் இறக்கி விட்ட பின் அனைத்து வாகனங்களும் தமுக்கத்தைச் சுற்றியுள்ளகாந்தி மியூசியம், நீச்சல்குளம், லா காலேஜ், எக்கோ பார்க் பின்புறம், கரும்பு ஆலை ரோடு, ராஜா முத்தையா பின்புறம், ரேஸ் கோர்ஸ் ரோடு, பிடிஆர் மஹால் ரோடு, பாண்டியன் ஹோட்டல் அருகில், மாட்டுத் தாவணி பூ மார்க்கட் அருகில் சிட்கோ இடங்களில் நிறுத்திக் கொள்ளவேண்டும்.

உங்கள் மொபைல் நம்பரை வேறு நிறுவனத்திற்கு மாற்றுவது எப்படி?

ண்மையில் Mobile Number Portability எனும் வசதி TRAI கொண்டுவந்துள்ளது. இதன் மூலம் உங்களின் மொபைல் நம்பரை மாற்றாமல் அதே நம்பரை வைத்துக்கொண்டு வேறு ஒரு மொபைல் நிறுவனத்தின் வாடிக்கையாளராக மாறலாம்.
STEP 1:
முதலில் நீங்கள் UPC(Unique Porting Code) எனும் நம்பரை பெறவேண்டும். அதற்கு PORT என டைப் செய்து 1900 எனும் எண்ணிற்கு குறுந்தகவல்(SMS) அனுப்ப வேண்டும்.
STEP 2:
இப்போது உங்களுக்கு 1901 எனும் எண்ணில் இருந்து எட்டு இலக்க எண் மற்றும் அந்த எண் எந்தத் தேதி வரை செல்லும் எனும் தகவலும் அனுப்பப்படும்.
STEP 3:
தங்கள் அருகாமையில் இருக்கும் எந்த ஒரு புதிய மொபைல் சேவை நிறுவன மையம் உள்ளதோ(நீங்கள் விரும்பும் ஏதேனும் Ex: Airtel, Vodafone, Docomo, Reliance) அங்கு செல்லவும்.
STEP 4:
அவர்கள் தரும் சேவை மாற்று படிவத்தில் பின் வரும் தகவல்களைக் கொடுக்கவும்.
தற்போதைய மொபைல் எண்.
தற்போதைய மொபைல் சேவை நிறுவனம்.
UPC code
STEP 5:
தங்களின் முகவரி சான்று, அடையாளச் சான்று, சுய கையோப்பமிட்ட புகைப்படம் மற்றும் கடந்த மாதத்தின் பில்(If it is postpaid). போன்றவற்றையும் கொடுக்கவும்.
STEP 6:
அவர்கள் உங்களுக்கு புதிய SIM அட்டை கொடுப்பார்கள். சில நிறுவனம் இந்த புதிய SIM cardக் கென கட்டணம் கேட்டாலும் கேட்பார்கள். (Rs. 50 to Rs. 100)
STEP 7:
உங்களின் புதிய நிறுவனம் பழைய நிறுவனத்திற்கு ஒரு குறுந்தகவல் அனுப்பி நீங்கள் கட்சி மாறி விட்டதாக தகவல் கொடுப்பார்கள். நீங்கள் அந்த பழைய SIM கார்டை எந்தத் தேதி வரை பயன்படுத்தலாம் எனும் தகவலும் உங்களுக்கு கொடுக்கப்படும்.
STEP 8:
அதே நாள் அல்லது அடுத்த நாள் இரவு 12 மணி முதல் 5 மணிக்குள் உங்களின் மொபைல் சேவை 2 மணி நேரம் தூண்டிக்கப்படும்.
STEP 9:
இப்போது நீங்கள் உங்களின் புதிய மொபைல் நிறுவன வாடிக்கையாளராக மாறிவிட்டீர்கள்.

அநியாயமாக இடிக்கப்பட்ட டெல்லி நூர் பள்ளி: கொந்தெளித்த டெல்லி முஸ்லிம்கள்!

செய்திகள் >> முக்கியச் செய்திகள்

சட்ட விரோதமாக கட்டப்பட்டப்பட்டுள்ளது என்று கூறி டெல்லி அரசாங்கம் (Delhi Development Authority) கடந்த 12 ஆம் தேதி டெல்லி ஜங்புரியா பி பிளாக்கில் உள்ள நூர் பள்ளியை இடித்து தரைமட்டமாக்கியது.
இதை கண்டித்து ஒரு நாள் முழு அடைப்பு போன்ற பல்வேறு போராட்டங்கள் நடைபெற்றது.
கடந்த 2009 ஜூன் மாதம், “நூர் பள்ளிவாசலை இடித்து நீக்கம் செய்யவும் அருகில் உள்ள வால்மீகி கோயில் இடத்தைக் கோயிலுக்காக விட்டுக்கொடுக்கவும்” லெஃப்டினண்ட் கவர்னர் அலுவலக மதத்துறை கமிட்டி சிபாரிசு செய்தது. இதனைத் தொடர்ந்தே பள்ளிவாசலை இடிப்பதற்கான முயற்சிகளை டெல்லி வளர்ச்சி ஆணையம் ஆரம்பித்தது.
கடந்த 2009 ஆகஸ்ட் மாதத்திலிருந்து டெல்லி வளர்ச்சி ஆணையம் பள்ளிவாசலை இடிப்பதற்கான முயற்சிகளை எடுக்க ஆரம்பித்தது. ஆனால், அப்பகுதி மக்களின் கடுமையான எதிர்ப்பின் காரணமாக உடனடியாக அதைச் செய்ய இயலவில்லை.
2010 அக்டோபர் மாதம், பள்ளிவாசலை இதுவரை இடித்து நீக்கவில்லை என்பதைச் சுட்டிக்காட்டி டெல்லி வளர்ச்சி ஆணையம் மற்றும் டெல்லி முனிசிப்பல் கார்ப்பரேசன் ஆகியவற்றுக்கு எதிராக நீதிமன்ற அவமதிப்பு வழக்கு ஒன்றை ஜங்புரா ரெசிடென்ஸ் அஸோசியேஷன் தொடுத்தது.
நூர் பள்ளிவாசல் கட்டிடம் உள்ள  நிலம் வக்ஃப் போர்டுக்குச் சொந்தமானது என்பதற்கான ஆதாரத்தை 2010 அக்டோபர் 26 ஆம் தேதி வக்ஃப் போர்டு டெல்லி வளர்ச்சி ஆணையத்திடம் சமர்ப்பித்தது. இதனைக் கண்டுகொள்ளாமலேயே டெல்லி வளர்ச்சி ஆணையம் தங்கள் மீது தொடுக்கப்பட்ட நீதிமன்ற அவமதிப்பு வழக்கிலிருந்து தப்பிப்பதற்காக கடந்த 12 ஆம் தேதி பள்ளிவாசலைக் காவல்துறை பாதுகாப்புடன் இடித்துத் தள்ளியது குறிப்பிடதக்கது.
இந்நிலையில் மஸ்ஜித் இருந்த இடம் முஸ்லிம்களுக்குரியது என்பதற்கான 1975 ஆம் ஆண்டு  கேசட் ஆதாரத்தை  நூர் பள்ளி கமிட்டி தலைவர் சாஹி இமாம் அவர்கள் கோர்ட்டில் சமர்பித்துள்ளார்.
இதனைத் தொடர்ந்து இடிக்கப்பட்ட இடத்தில் கடந்த வெள்ளிகிழமை தொழுகை நடத்தப்பட்டது.
பள்ளிவாசலை மீண்டும் கட்டி தருவதாக டெல்லி முதல் அமைச்சர் ஷீலா தீட்சித் அறிவித்துள்ளாராம்.
இடிக்கும் வரை வேடிக்கை பார்த்து விட்டு தற்போது பொதுமக்களின் கடும் எதிர்ப்பை பார்த்து விட்டு கட்டித் தருவதாக நாடகமாடுகின்றது டெல்லி காங்கிரஸ் அரசு!
காங்கிரஸின் இது போன்ற முஸ்லிம் வீரோத போக்கு கண்டனத்திற்குரியது.

வக்ஃபு மருத்துவ கல்லூரி – வெளிவந்தது உண்மை!

தலைமைகழக செய்தி >> முக்கியச் செய்திகள்

வக்பு வாரிய மருத்துவக் கல்லூரி குறித்து நாம் கேள்விகளை எழுப்பியவுடன் கதி கலங்கிப் போன வாரியத் தலைவர் அப்துல் ரஹ்மானும், அதற்காக அமைக்கப்பட்ட குழுவினரும் மக்களுக்கு விளக்கம் அளிக்க ஆரம்பித்துள்ளனர். அவர்கள் அளிக்கும் விளக்கமே அவர்களிடம் உண்மையும் நேர்மையும் இல்லை என்பதைச் சந்தேகமற நிரூபிக்கின்றது.
அவர்கள் வாய்கள் மூலமே உண்மைகள் வெளி வந்து கொஞ்ச நஞ்சம் இருந்த நம்பிக்கையும் சிதைந்து ஏற்கனவே இவர்களிடம் பணம் கொடுத்தவர்களை யோசிக்க வைத்துள்ளது.
இந்தக் கல்லூரி குறித்து தொடர்பாளர்களாக குறிப்பிடப்பட்டவர்களும் வக்பு வாரியத்தின் தலைவரும் அளித்துள்ள முரண்பட்ட விளக்கங்கள் இவர்களின் முகமூடியைக் கிழித்துக் காட்டுகின்றன.
இஸ்மாயீல் நாஜீ என்பவர் தொடர்பாளராகக் குறிப்பிடப்பட்ட மூவரில் ஒருவர். இவர் கூறும் விளக்கத்தை பாருங்கள்!

பீ.ஜை. என்னென்ன சந்தேகங்களை எழுப்பி உள்ளாரோ அத்தனைக்கும் பதில் கவிக்கோ அவர்களின் உரையிலேயே இருக்கிறது.
மருதுவக் கல்லூரி வக்ப் வாரியம் நடத்துகிறதா, இல்லை தனியார் டிரஸ்ட்டா? என்ற கேள்வியை இவர் எழுப்புவது டிசம்பர் 22 ந்தேதி வெளியான உணர்வு இதழில். அந்த இதழ் வெளிவருவதற்கு 18 நாட்கள் முன்பாகவே அதற்கு கவிக்கோ பதில் வழங்கி உள்ளார்.
04/12/2010 சென்னையில் வக்ப் வாரியத் தலைவர் கவிக்கோ தலைமையில் ஆலோசனைக் கூட்டம் நடைபெற்றது. அதில் பல கல்வியாளர்கள், ஆடிட்டர்கள், செல்வந்தர்கள் என சுமார் 400 பேர் கலந்து கொண்டனர். அக்கூட்டத்தில் மிகத் தெளிவாக கவிக்கோ கீழ் கண்டவாறு கூறினார்கள்:
மிஸ்பாஹுல் ஹுதா வக்ப் மருத்துவக் கல்லூரியை வக்ப் வாரியமோ, மிஸ்பாஹுல் ஹுதா மதரசாவோ நடத்தவில்லை, மாறாக பத்து லட்சம் ரூபாய் ஷேர் வாங்குபவர்கள் பொதுக்குழு உறுப்பினர் ஆவார்கள். முழுக்க முழுக்க நமது சமுதாய மக்களிடம் பங்கு வாங்கப்பட்டு பங்குதாரர்களை கொண்ட பொதுக்குழு அமைக்கப்பட்டு பொதுக்குழுவிலிருந்து தேர்ந்தெடுக்கப்படும் ஆட்சி மன்ற குழுவினரே மேற்படி கல்லூரியை நடத்தப்போகிறார்கள், என தெளிவாக அறிவித்தார்கள்.
அந்தக் கூட்டத்தின் நிகழ்வுகள் சன் டிவி போன்ற தொலைகாட்சியிலும், தினசரி நாள் இதழ்களிலும் வெளி வந்தன.

இந்த வாக்கு மூலம் சொல்வது என்ன? இந்தக் கல்லூரிக்கும், வக்பு வாரியத்துக்கும் எந்தச் சம்மந்தமும் இல்லை. இது பணம் படைத்தவர்கள் ஷேர் போட்டு நடத்தும் ஒரு தொழிலாகும் என்பது தான் இதன் கருத்து.
வக்பு வாரியத்துக்கும் இக்கல்லூரிக்கும் சம்மந்தம் இல்லை என்று இவர்கள் இப்படி வெளிப்படையாக அறிவித்து மக்களிடம் நிதி திரட்டினால் அதைப் பற்றி நாம் கண்டு கொள்ள மாட்டோம். இவர்களின் தனிப்பட்ட நாணயம் நேர்மையை நம்பி மக்கள் நிதி கொடுத்தால் அது குறித்து எச்சரிக்கை செய்யும் அவசியம் நமக்கு இல்லை. ஆனால் இஸ்மாயீல் நாஜீ சொல்வது உண்மையா?
இஸ்மாயீல் நாஜியின் விளக்கத்தைப் பார்த்துவிட்டு அப்துர்ரஹ்மான் கான் என்ற ஒரு சகோதரர் நேரடியாக இஸ்மாயீல் நாஜிக்கு மின்னஞ்சல் அனுப்பி அதை நமக்கும் அனுப்பியுள்ளார். அதில் அவர் கேட்டுள்ள கேள்விகளே இஸ்மாயீல் நாஜிக்கு நாம் அளிக்கும் பதிலாக அமைந்துள்ளது.
அந்தக் கடிதம் இது தான்

மரியாதைக்குரிய இஸ்மாயீல் நாஜீ அவர்களுக்கு அஸ்ஸலாமு அலைக்கும். மருத்துவக் கல்லூரி தொடர்பாக நீங்கள் அளித்த விளக்கத்தை நான் பார்த்தேன். அதில் பாதி அளவுக்குத் தெளிவு கிடைத்தது. அது வக்பு வாரியத்தால் நடத்தப்படவில்லை என்பது கவிக்கோ அவர்களாலேயே தெளிவு படுத்தப்பட்டதாக தாங்கள் அதில் தெரிவித்துள்ளீர்கள்.
அது தான் உண்மை என்றால் சுவரொட்டிகள் மூலம் வக்பு வாரிய மருத்துவக் கல்லூரி என்று போட்டதையும் அதற்கான ஆலோசனைக் கூட்டம் நடக்கவுள்ளதாகவும் தெரிவிக்கப்பட்டதையும் நானே சென்னையில் பார்த்தேன்.
மேலும் வக்பு மருத்துவக் கல்லூரி என்று போடப்பட்ட படத்தை நீடூர் இணைய தளத்தில் நான் பார்த்தேன். இப்போதும் அது அந்த இணைய தளத்தில் உள்ளது.
வக்பு போர்டுக்குச் சம்மந்தம் இல்லா விட்டால் வக்பு என ஏன் போடவேண்டும்?
அல்லது மக்களுக்காக வக்பு செய்யப்பட்டது என்ற அர்த்தம் என்றால் பணம் செலுத்துவோருக்கு லாபம் தருவதாக எப்படி கூறலாம். வக்பு செய்யப்பட்ட பின் எப்படி வருடத்துக்கு ஒரு சீட் கொடுப்பதாக வாக்களிக்க முடியும்?
அதில் ஷேர் சேர்பவர்கள் எதையும் எதிர்பார்க்காமல் பணம் கொடுக்க வேண்டும் என்று சொன்னால் தானே அது வக்பாகும்?
இந்த சந்தேகத்துக்கு உங்களிடம் இருந்து எனக்கு தெளிவு கிடைக்கும் என்று நம்புகிறேன்.
அத்துடன் பீஜே பற்றி நீங்கள் பழைய செய்திகளை வெளியிடப் போவதாக எழுதியது நல்லதல்ல.
ஆனாலும் இது குறித்து தவ்ஹீத் ஜமாஅத் முக்கியஸ்தர்களிடம் நான் கேட்ட போது பீஜே பற்றிய எந்த விஷயத்தையும் இஸ்மாயீல் நாஜீ தாராளமாக வெளியிடலாம் என்று கூறியதுடன் நீங்கள் ஓரினச் சேர்க்கையில் ஈடுபட்டதால் நீடூர் மதரசாவில் இருந்து நீக்கப்பட்டதாகவும் அதன் பின் சிம் இயக்கத்தில் இருந்த போதும் அது போல் செய்து மாட்டிக் கொண்டு நீங்கள் நீக்கப்பட்டதாகவும் சொல்கிறார்கள். இன்னும் அசிங்கமாக பல செய்திகளைச் சொன்னார்கள் . இவற்றை நிரூபிக்க முடியும் என்றும் சொன்னார்கள். நீங்கள் விரும்பினால் இதற்கும் எனக்கு விளக்கம் தந்தால் உங்களைப் பற்றிய நல்லெண்ணம் எனக்கு அதிகரிக்கும்.
அன்புடன்
அப்துர்ரஹ்மான் கான்

இந்த சகோதரர் சுட்டிக் காட்டும் மருத்துவக் கல்லூரிக்கான அட்வைசரி மீட்டிங் நிகழ்ச்சியின் போது நிர்வாகிகளின் முன்னால் வைக்கப்பட்ட பேனரைத் தான் அந்த சகோதரர் சுட்டிக் காட்டியுள்ளார்.

JMHA என்றால் ஜாமியா மிஸ்பாஹுல் ஹிதா அரபிக் காலேஜ் என்பதன் சுருக்கம். அத்துடன் வக்பு மெடிக்கல் காலேஜ் என்று சேர்த்துள்ளனர். அதாவது இந்த மருத்துவக் கல்லூரியை நடத்துவது நீடூர் மதரஸா நிர்வாகம் என்றும் இது வக்பு அடிப்படையில் நடத்தப்படுகிறது என்றும் இந்த பேனர் சொல்கிறது.. இந்த பேனருக்கு முன்னால் வக்பு வாரியத்தலைவர் உள்ளிட்ட பலர் வீற்றிருக்கின்றனர்.
வக்பு மருத்துவக் கல்லூரி என்றால் அதை வக்பு வாரியம் நடத்த வேண்டும். வக்பு வாரியம் நடத்தவில்லை என்று இஸ்மாயீல் நாஜீ சொல்லி விட்டார். கவிக்கோவே இதற்கும் வக்பு வாரியத்துக்கும் சம்மந்தம் இல்லை என்று கூறிவிட்டதாகவும் இஸ்மாயீல் நாஜீ சொல்கிறார். அப்படியானால் வக்பு மருத்துவக் கல்லூரி என்பதன் பொருள் என்ன?
இஸ்மாயீல் நாஜீ சொல்வது போல் இது பங்குதாரர்களால் நடத்தப்படும் நிறுவனம் என்றால் மேற்கண்ட பேனருக்கு என்ன அர்த்தம்?
ஒருவர் பள்ளிவாசலுக்கு வக்பு செய்து விட்டு அதற்காக மாதம் எனக்கு இவ்வளவு தர வேண்டும் எனக் கூறினால் அது வக்பாக ஆகுமா? வக்பு என்றால் இலாபத்தை எதிர்பார்க்காமல் கொடுப்பது தானே. அதற்காகப் பணம் கொடுப்பவர்கள் அல்லஹ்வுக்காக அந்தப் பணத்தைக் கொடுக்க வேண்டும். அதில் எந்த ரிட்டனும் எதிர்பார்க்கக் கூடாது என்று அறிவித்தால் தானே அது வக்பு ஆகும்?
ஒரு வேளை செல்வந்தர்களிடம் பணம் திரட்டிய பிறகு அவர்கள் பிரதிபலன் எதிர்பார்த்தால் நீங்க்ள் வக்பாகத் தந்து விட்டீர்கள். அதோடு அதை மறந்து விட வேண்டும் என்று சொல்வதற்காக இப்படி யோசித்து வக்பு கல்லூரி என்று போர்டு வைக்கப்பட்டதா?
வக்பு என்று சொல்வதற்கு என்ன அர்த்தம்? வக்பு போர்டு என்று விளம்பரம் செய்வதற்கு என்ன அர்த்தம்?
இவர்கள் அளிக்கும் பதிலே இவர்களைக் காட்டிக் கொடுத்து விடுகிறது.
ஆக மக்களை ஏமாற்றும் நோக்கத்துடன் வக்பு வாரிய மருத்துவக் கல்லூரி என்றும், வக்பு மருத்துவக் கல்லூரி என்றும் ஷேர் சேர்ந்தவர்கள் நடத்தும் மருத்துவக் கல்லூரி என்றும் இடத்துக்குத் தகுந்தவாறு மாற்றி மாற்றி கூறுவதால் தானே மக்களை நாம் எச்சரித்தோம்.
அது கிடக்கட்டும். இதோ வக்பு வாரியத் தலைவர் சமவுரிமை பத்திரிகையில் கட்டம் கட்டி கூறி இருப்பதைக் காணுங்கள்

இந்த பேட்டியில் வாரியத் தலைவர் கூறுவது என்ன?
இந்தக் கல்லூரி வக்பு வாரியத்தால் நடத்தப்படுகிறது என்று தெளிவாகக் கூறுகிறார். அதில் பாதி இடங்களை அரசுக்குக் கொடுப்பதாகவும் மற்றொரு பாதியை வக்பு வாரியம் வைத்துக் கொள்ளும் என்றும் தெளிவாகக் கூறுகிறார்.
மேலும் தேவைப்படும் 60 கோடி ரூபாயை வக்பு வாரியமே திரட்ட உள்ளதாகவும் அவர் தெரிவித்துள்ளார்.
மருத்துவக் கல்லூரியை நிர்வகிக்க வக்பு வாரியமும் மதரஸாவும் இணைந்து அறக்கட்டளை ஏற்படுத்தவுள்ளது என்றும் கூறுகிறார். அதாவது அதன் நிர்வாகத்தில் வக்பு வாரியமும் இருக்கும் என்று கூறுகிறார்.
இதற்கும் இஸ்மாயீல் நாஜி சொல்வதற்கும் ஏதாவது சம்மந்தம் உள்ளதா?
மேற்கண்ட வாரியத் தலைவரின் பேட்டியுடன் இஸ்மாயீல் நாஜி கூறுவதை ஒப்பிட்டு பாருங்கள்
மிஸ்பாஹுல் ஹுதா வக்ப் மருத்துவக் கல்லூரியை வக்ப் வாரியமோ, மிஸ்பாஹுல் ஹுதா மதரசாவோ நடத்தவில்லை, மாறாக பத்து லட்சம் ரூபாய் ஷேர் வாங்குபவர்கள் பொதுக்குழு உறுப்பினர் ஆவார்கள். முழுக்க முழுக்க நமது சமுதாய மக்களிடம் பங்கு வாங்கப்பட்டு பங்குதாரர்களை கொண்ட பொதுக்குழு அமைக்கப்பட்டு பொதுக்குழுவிலிருந்து தேர்ந்தெடுக்கப்படும் ஆட்சி மன்ற குழுவினரே மேற்படி கல்லூரியை நடத்தப் போகிறார்கள், என தெளிவாக அறிவித்தார்கள்.
வாரியத் தலைவர் அப்துர் ரஹ்மான் வக்பு வாரியத்தின் கல்லூரி என்கிறார்.
ஆனால் அதற்கு ஆள்பிடிக்கும் இஸ்மாயீல் நாஜி வக்பு போர்டுக்கு சம்மந்தம் இல்லை என்கிறார். வக்பு போர்டுக்குச் சம்மந்தம் இல்லை என்று வாரியத் தலைவரே அறிவித்ததாகவும் அவர் கூறுகிறார்.
இரண்டு பேரில் யார் சொல்வது சரி என்று முதலில் பைசல் பண்ணி விட்டு இஸ்மாயீல் நாஜி வாய் திறப்பது நல்லது.
இஸ்மாயீல் நாஜியின் மேற்கண்ட தகவல் படி பார்த்தால் அப்துல் ரஹ்மான் பொய் சொல்வதில் வல்லவர் என்பது தெளிவாகிறது. கவிதைக்குத் தான் பொய்யழகு என்று சொல்லிக் கொண்டிருந்தார்கள். இப்போது பொது வாழ்க்கைக்கும் பொய்யழகு என்று மாற்றி விட்டார்கள் போலும்.
வக்பு வாரியத்துக்கும் இதற்கும் சம்மந்தமில்லை என்பதும் வக்பு வாரியமே இதை நடத்துகிறது என்பதும் எப்படி உண்மையாக இருக்க முடியும்? இந்த இரண்டில் எது உண்மை என்றாலும் வாரியத் தலைவர் பொய் சொல்லி இருக்கிறார் என்பது உறுதியாகிறதா? இல்லையா?
இஸ்மாயீல் நாஜீ எடுத்துக் காட்டிய வாரியத்தலைவரின் மேற்கோளின் படி மருத்துவக் கல்லூரிக்கும் வக்பு வாரியத்துக்கும் எந்தச் சம்மந்தமும் இல்லை என்று ஆகிறது. இது தனவந்தரகள் கூடி பங்கு சேர்ந்து நடத்தும் தொழில் என்று ஆகிறது. ஆனால் வாரியத்தலைவர் தானே கையெழுத்துப் போட்டு பலருக்கும் கடிதம் எழுதியுள்ளார். அந்தக் கடிதத்தில் வக்பு வாரியமே இதை நடத்தப் போவதாக வக்பு வாரியத்தின் லட்டர் பேடில் குறிப்பிட்டுள்ளார்.
அந்தக் கடிதத்தைப் பாருங்கள்

மருத்துவக் கல்லூரி ஆரம்பிக்கப் போவதாக மக்களிடம் நிதி கேட்கும் போது வக்பு வாரியம் இதை நடத்தப் போகிறது எனக் கூறி இதற்கு வக்பு வாரியம் – அதாவது அரசாங்கம் – பொறுப்பு என்று நம்பிக்கை ஊட்டப்படுகிறது, ஆனால் செல்வந்தர்களை அழைத்து பேசும் போது இதற்கும் வக்பு போர்டுக்கும் சம்மந்தம் இல்லை என்று கூறப்படுகிறது. அப்படியானால் இது அப்பட்டமான மோசடி அல்லவா?
தன்னுடைய அதிகாரத்தை அப்துல் ரஹ்மான் தவறாகப் பயன்படுத்தி பணம் பண்ண திட்டமிட்டவர்களுக்கு உதவி செய்துள்ளார் என்பது இதில் இருந்து உறுதியாகிறது.
அல்லது தனவந்தர்களிடம் பணம் வசூலித்து முடித்தவுடன் இது வக்பு வாரியக் கல்லூரி. உங்களுக்கு இதில் உரிமை இல்லை என்று கூறுவதற்காக இந்தத் திட்டமா என்று தெரியவில்லை.
ஆனால் மருத்துவக் கல்லூரியின் தொடர்பாளர்களாக நியமிக்கப்பட்டு அறிவிக்கப்பட்ட மூவரும் வாரியத் தலைவரை விட விபரமானவர்களாக உள்ளனர். வாரியத் தலைவர் கலைஞருக்கு நெருக்கமானவர் என்பதால் அவர் பெயரைப் பயன்படுத்திக் கொள்கிறோம். வக்பு வாரியத்துக்கும் இதற்கும் எந்தச் சம்மந்தமும் இல்லை என்று தெளிவாக அறிவித்துள்ளனர்.
அது மட்டுமின்றி இதை நடத்துவது ஜாமியா மிஸ்பாஹுல் ஹுதா ட்ரஸ்ட் தான் என்று இவர்கள் கூறுகின்றனர்.
மேலும் மருத்துவக் கல்லூரிக்காக 50 ஏக்கர் நிலத்தை ஜாமியா மிஸ்பாஹுல் ஹுதா அளித்ததாக அப்துல் ரஹ்மான் மேற்கண்ட கடிதத்தில் கூறுகிறார். ஆனால் நிலம் கொடுத்தவர்களோ 25 ஏக்கர் நிலம் கொடுத்ததாகக் கூறுகின்றனர். இங்கேயும் இவர் கவிக்கோ அதாவது நன்றாகப் புளுகக் கூடியவர் என்று நிரூபிக்கிறார்
கிராமத்தில் 25 ஏக்கர் நிலம் சுமார் 50 லட்சம் ஆகும். ஆனால் மொத்த ஷேர் 60 கோடி என்றும் நூறு கோடி என்றும் மேற்கண்ட மூவரும் கூறுகின்றனர். 100 கோடியில் 50 லட்சம் என்பது அரை சதவிகிதம் தான். அதாவது அரை சதவிகிதப் பங்கு செலுத்திவிட்டு ஜாமியா மிஸ்பாஹுல் ஹுதா என்ற ட்ரஸ்ட் அமைப்பதும் மோசடியாகும். நீ அவல் கோண்டு வா! நான் உமி கொண்டு வருகிறேன். இரண்டையும் கலந்து ஊதி ஊதி திண்ணலாம் என்று கூறுவது போல் ஒரு சத்தித்திட்டம் இது என்பது அப்பட்டமாகத் தெரிகின்றது.
இதோ அவர்களின் உரையாடல்களைக் கேளுங்கள் நாம் மேலே சொன்ன அனைத்தும் அதில் இருப்பதை நீங்களே அறிந்து கொள்வீர்கள்.
9443150959
9443222490
9443353666
பணம் போட்டவர்களுக்கு என்ன கிடைக்கும்? அதிலும் குழப்பம் தான் நிலவுகிறது.
மொத்த மாணவர் எண்ணிக்கை 100 என்று வாரியத் தலைவர் கூறுகிறார். அதில் 50 இடம் கட்டாயம் அரசாங்கத்துக்குப் போய் விடும். இதை வாரியத் தலைவரும் ஒப்புக் கொள்கிறார்.
அப்படியானால் மீதியுள்ள ஐம்பது இடங்களில் வாரியத் தலைவர் போன்றவர்க்ளுக்கு எத்தனை இடம் என்று தெளிவுபடுத்தவில்லை. அந்த வகையில் 20 இடங்களை அல்லது பத்து இடங்களைக் கழித்தால் மீதம் இருப்பது நாற்பது அல்லது முப்பது தான்.
அதிலும் அனைத்து இடங்களையும் பங்குதாரருக்குக் கொடுத்து விட்டால் கல்லூரியை எப்படி நிர்வாகம் செய்ய முடியும்? எனவே அதில் சரிபாதியை நிர்வாகம் தனது ஒதுக்கீடாக வைத்துக் கொண்டால் மீதி உள்ள 15 இடங்களை எப்படி நூறு பங்குதாரர்களுக்குக் கொடுக்க முடியும்?
சுழற்சி முறையில் கொடுப்பதாக இருந்தால் ஏழு வருடத்துக்கு ஒரு இடம் கிடைக்கும். அவ்வளவு தான்.
அல்லது குலுக்கல் முறையில் கொடுக்கப்படும். இப்படித்தான் ஒர் உரையாடலில் கூறப்படுகிறது. அதாவது சூதாட்டம் மூலம் அவர்களுக்கு ஒரு இடம் கிடைக்கலாம்.
அது மட்டுமின்றி மேற்கண்ட வாரியத் தலைவரின் அறிக்கையில் உள்ள பொய்யை நீடூரைச் சேர்ந்த ஒவ்வொருவரும் அறியலாம். 300 படுக்கைகள் கொண்ட மருத்துவமனை கட்டப்பட்டு வருகிறது என்று வாரியத் தலைவர் சொல்லி இருக்கிறார்.
300 படுக்கைகள் கொண்ட மருத்துவ மனை கட்டப்பட்டு வருவதை புகைப்பட மற்றும் வரைபட ஆதாரத்துடன் இவர்கள் நிரூபிக்க வேண்டும். எந்தக் கட்டுமானப் பணியும் நடக்காத போது 300 படுக்கைகள் கொண்ட மருத்துவமனை கட்டப்பட்டு வருகிறது என்று எப்படி இவர் கூறினார். இதுவும் கவிதை என்று நினைத்து கரடி விடுகிறாரா?
மருத்துக் கல்லூரி நடத்தும் ட்ரஸ்டில் அப்துர் ரஹ்மான் சேர்மனாக உள்ளார். அவர் கருனாநிதியின் நண்பர் என்ற காரணத்தால் அவரைப் பயன்படுத்துகிறோம். அவர் செல்வாக்கைப் பயன்படுத்தி அனுமதி வாங்கிவிடுவார் என்று நம்புகிறோம் என்று அதன் பொறுப்பாளர்களாக அறிவிக்கப்பட்டவர்கள் தொலைபேசி மூலம் சித்தார் கோட்டை சகோதரர் கேட்ட போது சொல்லியுள்ளனர். அந்த உரையாடல் முன்னர் இடம் பெற்றுள்ளது
அதாவது வாரியத்தின் தலைவர் என்ற முறையில் அவர் சேர்மனாக இல்லை. மாறாக கருணாநிதியின் நண்பர் என்ற முறையில் தான் இவர் சேர்மனாக்கப்பட்டுள்ளார் என்று அவர்கள் கூறுகின்றனர். நாளை ஆட்சி மாற்றம் ஏற்பட்டால் இவர் வாரியத்தின் தலைவர் பதவியில் இருந்து தூக்கப்படுவார். அப்போது இவர் சேர்மனாக இருப்பாரா? அல்லது வாரியத்தின் புதிய சேர்மன் இந்தப் பொறுப்புக்கு வருவாரா?
தேர்தல் வருவதற்குள் மருத்துவக் கல்லூரிக்கு அனுமதி பெறப்படுமா? பெறப்படாது என்றால் தேர்தலில் ஆட்சி மாற்றம் ஏற்பட்டால் அனுமதி பெறுவது எப்படி? இவரைப் போன்றவர்கள் இதில் ஈடுபட்டதாலேயே அனுமதி கிடைக்காமல் போகுமே? அனுமதி அளிப்பது மத்திய அரசின் அதிகாரம் என்ற போதும் மாநில அரசு ஆட்சேபனை செய்தால் மத்திய அரசு எப்படி அனுமதி அளிக்கும்?
முடிவாக நாம் சொல்வது இது தான்.
இதை வக்பு வாரியம் நடத்துகிறது என்றால் அதை மட்டும் சொல்லுங்கள்
வக்பு வாரியமும் நீடூர் மதரசாவும் இணைந்து நடத்துகிறது என்றால் அதை மட்டும் சொல்லுங்கள்
அரசும் வக்பு வாரியமும் இணைந்து நடத்துகிறது என்றால் அதை மட்டும் சொல்லுங்கள்
இதை மக்களிடம் நன்கொடை பெற்று வக்பாக நடத்துகிறோம் பணம் கொடுத்தவர்கள் மறுமையில் தான் நன்மையை எதிர்பார்க்க வேண்டும் என்றால் அதை மட்டும் மக்களிடம் சொல்லுங்கள்
அல்லது ஷேர் சேர்த்து கமர்ஷியலாக நடத்துகிறோம். அதன் பங்குதாரர்களே அதை நிர்வகிப்பார்கள் என்றால் அதை மட்டும் மக்களுக்குச் சொல்லுங்கள்
அதன் தலைவர் உள்ளிட்ட நிர்வாகிகளை பங்குதாரர்கள் தேர்வு செய்வார்கள் என்றால் அதை மட்டும் மக்களுக்குச் சொல்லுங்கள்
அல்லது அதன் நிர்வாகிகளாக நிரந்தர சேர்மன் மற்றும் நிர்வாகிகள் இருப்பார்கள் என்றால் அதை மட்டும் சொல்லுங்கள்
மருத்துவ மனை கட்டட்டப்பட்டு வந்தால் கட்டப்பட்டு வருகிறது என்று சொல்லுங்கள்.
காலியிடமாகத் தான் உள்ளது. இனிமேல் தான் அதற்கான வரைபடம் தயாரித்து பல்வேறு மட்டங்களில் அனுமதி பெற வேண்டும். அதன் பின்னர் தான் மருத்துவமனை கட்ட வேண்டும் என்பது உங்கள் கனவு என்றால் அதை மட்டும் மக்களிடம் சொல்லுங்கள்
ஆனால் இடத்துக்கு ஏற்ப அனைத்தையும் நீங்கள் சொல்வது என்றால் மக்கள் பைத்தியக்காரர்கள் என்று முடிவு செய்து விட்டீர்கள். ஒயிட் காலர்ஸ்கள் எதைச் சொன்னாலும் நம்பக்கூடிய ஏமாளிகள் என்று மக்களைக் கருதுகிறீர்கள்.
உங்களை நம்பி பணம் தந்தவர்கள் ஏமாறக் கூடாது என்பதற்காக நாம் எச்சரிக்கை செய்தது இப்போது மேலும் உறுதியாகிறது.
முதலில் நம்க்கு சந்தேகம் தான் இருந்தது. இவர்கள் முரண்பட்டு பேசுவதால் இதில் கடுகளவும் நம்பகத் தன்மை இல்லை என்பது உருதியாகிறது. எனவே இந்த செய்தியை உங்களுக்கு தெரிந்த பொதுமக்களுக்கும் தனவந்தர்களூக்கும் கொண்டு செல்லுமாறு கேட்டுக் கொள்கிறோம்.

பெட்ரோல் விலை: பொதுமக்களை ஏமாற்றி பணத்தை கொள்ளையடிக்கும் மத்திய மாநில அரசுகள்! சிறப்பு ஆய்வு கட்டுரை!

செய்திகள் >> முக்கியச் செய்திகள்

மோட்டார் வாகனம் பயன்படுத்வோர் மட்டுமல்லாது இன்றைக்கு நாட்டில் உள்ள அடித்தட்டு மக்கள் முதல் மேல் தட்டு மக்கள் வரை அனைவரும் பணத்தை பரிகொடுத்தவர்கள் போன்று புலம்புவது ”அடப்பாவிங்களா கேக்குரதுக்கு ஆள் இல்லன்னு பெட்ரொல் விலைய இஷ்டம் போல அளவே இல்லாம இப்படி கூட்டிக்கிட்கிட்டே போரானுங்களே” என்று தான்.
இதில் நாமும் விதிவிலக்கல்ல..
ஏனெனில் கடந்த ஓராண்டில் மட்டும் 9 முறை பெட்ரோல் விலை உயர்த்தப்பட்டுள்ளது. கடந்த சனிக்கிழமை பெட்ரோல் விலை 2.55 ரூபாய் உயர்த்தப்பட்டு தற்போது 63.45 ரூபாய்க்கு தமிழகத்தில் பெட்ரோல் விற்கப்படுகின்றது.
பிரதமர் உட்பட உயர் மட்ட அளவில் கூட்டம் போடும் அளவிற்கு நாட்டில் விலைவாசி உயர்ந்துள்ள இந்த நிலையில், நமது இந்திய அரசு இதை (எண்னை நிறுவனங்கள் அரசின் ஒப்புதலுடன் தான் விலையை ஏற்றுகின்றது) செய்திருப்பது, ”நாட்டு மக்கள் செத்தாலும் பரவாயில்லை தங்களுக்கு கோடிகோடியாய் பணம் தரும் பெரும் தொழிலதிபர்கள் நல்லா இருக்கனும் உலகின் பணக்கார பட்டியலில் அவர்கள் பெயர் முன்னேர வேண்டும்” என்ற அரசியல் வாதிகளின் நயவஞ்சகத்தனத்தை வெட்ட வெளிச்சமாக்கியுள்ளது.
நாம் இதை ஆதாரத்தோடே கூறுகின்றோம்!
விலையை உயர்த்து சொல்லப்படும் காரணங்கள்
1.ஆயில் நிறுவனங்களுக்கு நஷ்டம்
அடிக்கடி விலையை உயர்த்துவதற்கு அரசு சொல்லும் முதல் காரணம் ஆயில் நிறுவனங்களுக்கு ஒருநாளைக்கு ”இத்தன கோடி நஷ்டம்” என்பது தான்.
இது கடைந்தெடுத்த பொய்யாகும்! இது பச்சைப் பொய்யாகும்!!  இது மகாப் பொய்யாகும்!!
நாம் இதை  இவ்வளவு அழுத்தமாக சொல்லக் காரணம், அரசு எந்த நிறுவனங்களை நஷ்டம் ஏற்பட்டுள்ளது என்று கூறுகின்றதோ அந்த எண்னை நிறுவனங்களின் (IOC -Indian Oil Corparation , HPCL -Hindustan Petroleum Corporation , BPCL-Bharat Petroleum Corporation) 2010-2011 ன் இரண்டாம் காலாண்டின் நிதிநிலை அறிக்கையை நாம் படித்தது தான்.
நிதி நிலை அறிக்கை (நான்கு மாதத்தில் மட்டும் கிடைத்த லாபம்)
IOC யின் 2010-2011 ன் இரண்டாம் காலாண்டின் நிகர லாபம் – (அரசுக்கு வரி கட்டியது போக) 5294 கோடி.
அரசுக்கு செலுத்தியுள்ள வரி 832.27 கோடி
5294 + 832.27 = 6126.27 கோடி லாபம்
HPCL யின் 2010-2011 ன் இரண்டாம் காலாண்டின் நிகர லாபம் – (அரசுக்கு வரி கட்டியது போக) 2142.22 கோடி.
அரசுக்கு செலுத்தியுள்ள வரி 90.90 கோடி
2142.22 + 90.90 = 2233.12 கோடி லாபம்
BPCL யின் 2010-2011 ன் இரண்டாம் காலாண்டின் நிகர லாபம் – (அரசுக்கு வரி கட்டியது போக) 2142.22 கோடி.
அரசுக்கு செலுத்தியுள்ள வரி 198.00 கோடி
2142.22 + 198.00 = 2340.22 கோடி லாபம்
மேற்குறிப்பிட்ட மூன்று எண்னை நிறுவனங்கள் மூலம் மட்டும் நான்கு மாதத்தில் கிட்டதட்ட 10699.61 கோடி ரூபாய் லாபம் சம்பாதித்து விட்டு, எண்ணை ‘நிறுவனங்களின் நஷ்டத்தை ஈடுகட்டவே விலையை உயர்த்தி உள்ளோம்’ என்று அப்பட்டமாக பொய் கூறி பொதுமக்களை மத்திய அரசு ஏமாற்றுகின்றது.
நஷ்டம் என்று அரசு கூறுவது ‘வர வேண்டிய லாபத்தை என்று’ சில பொருளாதார வல்லுணர்கள் விளக்கம் கொடுக்கின்றனர்.
அதாவது உதாரணத்திற்கு: 2000 கோடி லாபம் வர வேண்டும் ஆனால் 1500 கோடி தான் லாபம் வந்துள்ளது எனவே 500 கோடி இலாபம் குறைந்துள்ளது என்று ஒருவர் கூறுவது போன்று.
லாபத்தில் குறைவு ஏற்பட்டுள்ளது என்பதற்கும் ”விலையை கூட்டும் அளவிற்கு இத்தன கோடி நஷ்டம் ” என்பதற்கும் மலைக்கும் மடுவிற்கும் உள்ள வித்தியாசம் இருக்கின்றது.
பொதுமக்கள் சோத்துக்கே வழியில்லாமல் இருக்கும் போது கோடிக்கணக்கில் எண்னை நிறுவனம் மூலம் லாபம் சம்பாத்தித்து விட்டு ‘அதுவும் போதவில்லை இன்னும் விலையை ஏற்று’ என்று மத்திய அரசு கூறுவது, அரசு எந்த அளவிற்கு  பொதுமக்களின் பணத்தை கொள்கை அடிக்க வழிகளை தேடுகின்றது என்பதை தெளிவுபடுத்துகின்றது.
நான்கு மாதத்தில் மூன்று எண்னை நிறுவனங்கள் மூலம் 10 ஆயிரம் கோடிக்கும் மேல் லாபம் ஈட்டிவிட்டு, பொதுமக்களிடம் கோடிக்கணக்கில் நஷ்டக் கணக்கு காட்டி, பெட்ரோல் விலையை கூட்டவது நியாயமான அரசு செய்யும் வேலையா?
எனவே அரசுக்கு எண்னை நிறுவனங்கள் மூலம் இதுவரையிலும் எந்த நஷ்டமும் இல்லை மாறாக கொடிக்கணக்கில் லாபம் தான், மத்திய அரசு அப்பட்டமாக பொய் கூறுகின்றது என்பதை பொதுமக்கள் நன்கு புரிந்து கொள்ள வேண்டும்.
நஷ்ட கணக்கு நாடகத்தை பொதுமக்கள் தற்போது உணர்ந்திருப்பார்கள்.
2. குரூட் ஆயில் விலை உயர்ந்து விட்டது
அடுத்து சொல்லும் காரணம் குரூட் ஆயில் விலை உயர்ந்து விட்டது. இதுவும் பொய்யாகும்.
தற்போது குரூட் ஆயில் பீப்பாய் ஒன்று 92 டாலருக்கு விற்கப்படுகின்றது. தற்போது பெட்ரொலின் விலை லிட்டர் 63.54 ரூபாய்.
ஆனால் இதே பீப்பாய் 2008 ஆம் ஆண்டில் கிட்டதட்ட 135 டாலருக்கும் மேல் விற்கப்பட்டது. அப்போது விலை என்ன தெரியுமா ? பெட்ரொல் லிட்டர் ரூபாய் 54 மட்டும் தான்.
2008 ஐ ஒப்பிடும் போது தற்போது பீப்பாய் விலை 34 சதவிகிதம் குறைந்துள்ளது. எனவே பெட்ரோல் விலையையும் 34 சதவிகிதம் குறைக்க வேண்டும். அது தான் நியாயம் அதாவது பெட்ரோல் விலையை லிட்டருக்கு 35 ரூ ஆக ஆக்க வேண்டும். ஆனால் மத்திய அரசு குறைப்பதற்கு பதிலாக தற்போது 55 சதவிகிதம் விலைய உயர்த்தி 63 ரூபாய்க்கு விற்கின்றது.
இது மிகப்பெரும் அநியாயமாகும்.
2008 ல் பீப்பாய் ஒன்று 135 டாலருக்கும் மேல் சர்வதேச சந்தையில் விற்கும் போதே  பெட்ரோலை லிட்டர்  54 ரூபாய் தான். ஆனால் தற்போது பீப்பாய் ஒன்று 92 டாலர் தான் விற்கின்றது எனவே பீப்பாய் விலையை கவனத்தில் கொண்டு தற்போது மத்திய அரசு விலைய குறைக்க வேண்டுமே தவிர கூட்டக் கூடாது.
எனவே பெட்ரோல் விலை உயர்வுக்கு குரூட் ஆயிலின் விலை உயர்வு தான் காரணம் என்று கூறுவது பொய் என்பதை பொதுமக்கள் உணர்ந்து கொள்ள வேண்டும்.
விலை உயர்ந்துள்ளதற்கு உண்மையான காரணம்
உண்மையில்  தற்போது உள்ள சந்தை நிலவரப்படி கணக்கு பார்த்தால் பெட்ரோல் விலை லிட்டருக்கு 25 ரூபாய் கூட வராது.
ஆம், நாம் பெட்ரோலுக்கு கொடுக்கும் பணத்தில் பாதிக்கு மேல் உள்ள தொகை மத்திய மாநில அரசு விதித்துள்ள வரிகள் தான்.
இதோ தற்போதைய பெட்ரோலுக்கான வரி நிலவரம் 2011

வரி என்ற பெயரில் கோடி கோடியாய் கொள்ளையடிக்கும் மத்திய மாநில அரசுகள்
22 ரூபாய்க்கு விற்க வேண்டிய பெட்ரோலை 41 ரூபாய் கூடுதலாக வரிமேல் வரி விதித்து 63.45 க்கு அநியாயமாக விற்கும் மத்திய மாநில அரசுகள் இன்னும் என்ன காரணம் சொல்லி விலையை உயர்த்தலாம் என்று யோசித்துக் கொண்டிருக்கின்றது. பொய்கணக்கு கூறி பொதுமக்களிடம் நாடகமாடிக்கோண்டிருக்கின்றது.
ஒரு வருடத்திற்கு நாம் அரசிற்கு செலுத்தும் பெட்ரோல் வரி .. ஒரு சிறிய கணக்கு..
மோட்டார் வாகனத்தில் அலுவலகத்திற்கு செல்லும் ஒருவர் சராசரியாக மாதம் ஒன்றுக்கு 15 லிட்டர் பயன்படுத்துகின்றார் என்று வைத்துக் கொள்வோம்.
மாதம் பெட்ரோலுக்காக இவருக்கு ஆகும் செலவு ரூபாய் 951.75.
இதில் 650.7 ரூபாயை இவர் அரசுக்கு வரியாக மட்டுமே செலுத்துகின்றார். பெட்ரோலுக்கான விலை அல்ல!
இதில் பெட்ரோலுக்கான விலை வெறும் 330 ரூபாய் மட்டும் தான்!
மாதம் 650.7 எனில் வருடத்திற்கு 7808.4 ரூபாயை இவர் பெட்ரொல் வாங்குவதன் மூலம் அரசிற்கு வரியாக மட்டுமே செலுத்துகின்றார்.
நானும் நீங்களும் பெட்ரோலுக்காக அரசிற்கு வருடா வருடம் கிட்டதட்ட 8 ஆயிரம் ரூபாய் வரியாக மட்டுமே கொடுக்கின்றோம். (மாதம் 15 லிட்டர் எனில்) இது தெரியுமா உங்களுக்கு ?.
இதில் 4 ஆயிரம் தமிழக அரசிற்கு, 4 ஆயிரம் மத்திய அரசிற்கு! என்ன கொடுமை இது!!!
100 கோடி மக்கள் தொகையில் 10 சதவிகிதம் பேர் மோட்டார் வாகனம் பயன்படுத்தவதாக வைத்துக் கொண்டாலும் அரசுக்கு ஆண்டுதோறும் ரூபாய் 780840000000 (எத்தன ஆயிரம் கோடின்னு நீங்களே கணக்கு பன்னிக்கோங்க) பெட்ரோல் மூலம் வரி மட்டுமே வருகின்றது.
ஒரு பக்கம் எண்ணை நிறுவனங்கள் மூலம் வரும் லாபம், மறு பக்கம் அதை விட இரண்டு மடங்கு  வரி என்ற பெயரில் பொதுமக்களிடமிருந்து வரும் லாபம்.
இவையெல்லாம் போதாது என்று மேலும் மேலும் பச்சை பொய் கூறி பெட்ரோல் விலைலை உயர்த்துகின்றது மத்திய அரசு.
எனவே பெட்ரோல் விலையின் உயர்வுக்கு காரணம் மத்திய மாநில அரசுகள் நிர்ணயித்துள்ள வரிகள் தானே தவிர பீப்பாய் விலையோ எண்னை நிறுவனிங்களின் நஷ்டமோ (அப்பட்டமான பொய்) கிடையாது என்பதை பொதுமக்கள் புரிந்து கொள்ள வேண்டும்.
கூடுதலாக வரி விதிக்க காரணம்
1. தனியார் நிறுவனங்கள்
சமீபகாலமாக அரசு அதிகமாக வரி விதிப்பதற்கும் விலைய உயர்த்துவதற்கும் முக்கிய காரணம் தற்போது முலைத்துள்ள தனியார் எண்னை நிறுவனங்கள் தான்.
கனிமவளங்கள் நிறந்த நாட்டுடமைகளை அரசியல்வாதிகளுக்கு பணம் கொடுத்து குறைந்த விலைக்கு வாங்கி தனியார் எண்னை நிறுவனங்கள் அதிலிருந்து வரும் எரிபொருளை அரசிற்கே கூடுதல் விலைக்கு விற்கின்றது மேலும் வெளிநாட்டில் இருந்து பெட்ரோலை வாங்கி உள்ள நாட்டில் அதிக விலைக்கு விற்கின்றது.
ஆம்! பெட்ரோலுக்காக நாம் கொடுக்கும் பணத்தில் ரிலைன்சுக்கும் பங்கு செல்கின்றது. இது போன்ற தனியார் எண்னை நிறுவனங்களின் வற்புறுத்தலின் பேரில் தான் அரசு, பெட்ரோல் விலையை நீங்களே (எண்னை நிறுவனங்களே) நிர்ணயித்துக் கொள்ளுங்கள் என சட்டம் கொண்டு வந்தது.
இதனால் தான் தற்போது பெட்ரொல் விலை அடிக்கடி உயர்கின்றது.
Reliance Industries என்று சொல்லப்படும் ரிலைன்சின் எண்னை நிறுவனத்தின் 2010-2011 ன் இரண்டாம் காலாண்டின்  லாபம் (நான்கு மாதத்தில்) எவ்வளவு தெரியுமா? 4923 கோடியாகும்.
இந்த லாபம் அரசின் நிறுவனங்களான பாரத் பெட்ரோலியம், ஹிந்துஸ்தான் ஆகியவற்றின் லாபத்தை விட இரண்டு மடங்கு கூடுதலானதாகும்.
தனியார் நிறுவனங்கள் அரசிடமிருந்து கனிமவலளங்கள் நிறைந்த இடத்தை குறைந்த விலைக்கு வாங்கி அதில் உள்ள எரிபொருளை சுத்திகரிப்பு செய்து மீண்டும் அரசிற்கே விற்கின்றன மேலும் வெளிநாட்டில் இருந்து வாங்கியும் அரசிற்கு விற்கின்றது.
இதை அரசே செய்தால் பெட்ரோல் விலையை உயர்த்த வேண்டிய அவசியமும் இல்லை, அரசிற்கு கூடுதல் லாபம் வரும் என்பதால் 65 சதவிகிதம் அளவிற்கு வரி விதிக்கவும் தேவையில்லை.
முகேஷ் அம்பானி போன்ற தனியார் நிறுவன தொழிலதிபர்கள் உலக பணக்கார வரிசையில் நான்காவது இடம் பிடிக்க நமது அரசியல் வாதிகள் பாடுபடுவதோடு பொதுமக்களையும் அதற்கு பணயமாக்குகின்றனர்.
2. வட்டி
65 சதவிகிதம் அளிவிற்கு வரி விதிப்பதற்கு மற்றுமொரு முக்கிய காணரம் உலக வங்கியில் இந்திய அரசு வாங்கியுள்ள கடன் தான்.
இத்தனை சதவிகிதம் வரி விதித்தால் தான் அரசின் கடன் மற்றும் வட்டியை கட்ட முடியும் என்ற கணக்கு உள்ளது.
அதன் அடிப்படையில் தான் வாங்கிய கடன் மற்றும் அதற்குரிய வட்டியை அடைப்பதற்கு ஏற்றாற்போன்று மத்திய மாநில அரசு வரிகளை விதிக்கின்றது.
பெட்ரோல் அன்றாடம் அனைவரும் பயன்படுத்தப்படும் பொருளாக இருப்பதால் அதற்கு கூடுதல் வரிகளை விதித்துள்ளது.
பெட்ரோல் விலை உயர்வை தவிர்க்க அரசு, வட்டி மற்றும் தனியார் கலாச்சாரத்தை கைவிட வேண்டுமே தவிர பொதுமக்களை சுரண்டும் வண்ணம் வரிக்கு மேல் வரி விதிக்கக் கூடாது.
அமெரிக்காக போன்ற வளர்ந்த நாட்டில் வெறும் 18 சதவிகித வரி தான் பெட்ரோலுக்கு விதிக்கப்படுகின்றது.
18% எங்கே 65% எங்கே ?
பெட்ரோல் விலை உயர்வுக்கு தமிழக அரசும் காரணம்
மற்ற மாநிலங்களை விட அதிகமாக தமிழக அரசு 30 சதகவிதம் பெட்ரோலுக்கு வரி விதிக்கின்றது. ஒரு ரூபாய் க்கு அரிசி போடுகின்றேன் என்று கூறி தினமும் அன்றாடம் வேலைக்கு செல்லும் பொதுமக்களிடம் கோடி கோடியாய் பணத்தை பெட்ரோல் மூலம் சுருட்டுகின்றது இந்த தமிழக அரசு.
இந்த வரியை குறைக்குமாறு கலைஞரிடம் கேட்டதற்கு இதை குறைக்க முடியாது என்று சமீபத்தில் கூறியுள்ளார்.
இப்படி கோடிகோடியாய் பொதுமக்களிடமிருந்து வரி என்ற பெயரில் கொள்ளையடித்த பணத்தை தான்  ஓட்டு வாங்குவதற்காக கூத்தாடிகளுக்கு ‘சொந்த இடம், சொந்த வீடு, படத்திற்கு வரி விலக்கு’ பொன்ற சலுகைகள் வழங்க பயன்படுத்துகின்றார் இந்த கருணாநீதி.
இதுவல்லாமல் பொதுமக்களுக்கு ‘அந்த திட்டம் இந்த திட்டம்’ என்று அவ்வப்போது அறிவிப்புகளை வெளியிடுகின்றார்.
மேலோட்டமாக சலுகைகளை அறிவித்து விட்டு பொதுமக்களுக்கு தெரியாமல் பெட்ரோல் மூலம் பணத்தை வரி என்ற பெயரில் கொள்ளை அடிக்கின்றது இந்த தமிழக அரசு.
பெட்ரோல் விலை உயர்வுக்கும் கலைஞருக்கும் சம்பந்தமே இல்லாததை போன்ற மாயத் தோன்றம் ஏற்படுத்தப்படுகின்றது.
மற்ற மாநிலங்களை ஒப்பிட்டு பார்க்கும் போது தமிழகத்தில் கூடுதலாகவே பெட்ரோலுக்கு வரி விதிக்கப்படுகின்றது.
மாநிலம் வாரியான பெட்ரோல் வரி பட்டியல்

State	oil	Petrol	Diesel	Kerosene	gas
Andhra Pradesh	4	33	22.2	4	4
Maharastra	4	25	23	4	-
Gujarat	-	23	21	-	-
Madhya Pradesh	-	28.7	23	4	4
Chattisgarh	-	22	22	4	-
Goa	-	22	21	4	4
Uttar Pradesh	4	26.5	17.2	4	-
Uttarakhand	-	25	21	12.5	-
Delhi	-	20	12.5	4	4
Himachal Pradesh	-	25	14	-	4
Jammu, Kashmir	-	20	12	4	4
Punjab	-	27.5	8.8	4	4
Rajasthan	-	28	18	4	-
Haryana	4	20	8.8	4	-
Chandigarh	-	20	12.5	4	2
Tamilnadu	-	30	21.4	4	4
Pondicherry	-	12.5	12.5	-	1
Kerala	-	29	24.6	-	-
Karnataka	1	25	18	4	1
Orissa	-	18	18	4	4
Assam	-	25.7	15.5	2	4
Bihar	2	16	16	8	8
Jharakhand	-	20	14.5	4	4
West Bengal	-	25	17	4	4
Manipur	-	20	12.5	4	4
Meghalaya	-	20	12.5	4	4
Tripura	-	15	10	-	1.5
Mizoram	-	18	10	-	2
Arunachal Pradesh	-	20	12.5	4	4
nagaland	-	20	12	5	4

State	oil	Petrol	Diesel	Kerosene	gas
Andhra Pradesh	4	33	22.2	4	4
Maharastra	4	25	23	4	-
Gujarat	-	23	21	-	-
Madhya Pradesh	-	28.7	23	4	4
Chattisgarh	-	22	22	4	-
Goa	-	22	21	4	4
Uttar Pradesh	4	26.5	17.2	4	-
Uttarakhand	-	25	21	12.5	-
Delhi	-	20	12.5	4	4
Himachal Pradesh	-	25	14	-	4
Jammu, Kashmir	-	20	12	4	4
Punjab	-	27.5	8.8	4	4
Rajasthan	-	28	18	4	-
Haryana	4	20	8.8	4	-
Chandigarh	-	20	12.5	4	2
Tamilnadu	-	30	21.4	4	4
Pondicherry	-	12.5	12.5	-	1
Kerala	-	29	24.6	-	-
Karnataka	1	25	18	4	1
Orissa	-	18	18	4	4
Assam	-	25.7	15.5	2	4
Bihar	2	16	16	8	8
Jharakhand	-	20	14.5	4	4
West Bengal	-	25	17	4	4
Manipur	-	20	12.5	4	4
Meghalaya	-	20	12.5	4	4
Tripura	-	15	10	-	1.5
Mizoram	-	18	10	-	2
Arunachal Pradesh	-	20	12.5	4	4
nagaland	-	20	12	5	4

போலி சலுகைகளை அறிவிப்பதை விட்டு விட்டு, வரி என்ற பெயரில் பொதுமக்கள் வயிற்றில் அடிக்காமல் தமிழக அரசு செயல்பட்டாலே போதும் என்பது பொதுமக்களின் கருத்து.
விலையை குறைக்க என்ன செய்ய வேண்டும்?
தற்போது குரூட் ஆயில் பீப்பாய் ஒன்று 92 டாலருக்கு விற்கப்படுகின்ற நிலையிலும் வரி இல்லாமல் பெட்ரோலின் விலை வெறும் 22 ரூபாய் தான் ஆகின்றது.
இந்த 22 ரூபாயில் லாபமும் அடங்கும். வரி என்பது கூடுதலாக விதிக்கப்படுவது.
மத்திய மாநிலம் அரசுகள் போட்டிப் போட்டுக் கொண்டு வரி விதித்திருப்பதாலேயே பெட்ரோல் விலை தாருமாறாக உயர்ந்துள்ளது.
மத்திய மாநில அரசுகள் வரியை குறைத்தாலே போதும் பெட்ரோல் விலை குறைந்துவிடும். சர்வதே சந்தையில் குரூட் ஆயிலின் விலை கூடுவதினால் பெட்ரோல் விலை பெருமளவு கூடாது.
மத்திய அரசு வரியை குறைத்தால் தான் பெட்ரோல் விலை குறையும் என்பதில்லை தமிழக அரசு 30 சதவிகிதமாக இருக்கும் தற்போதை வரியை குறைந்த பட்சம் மற்ற மாநிலங்களை போன்று குறைத்தாலே போதும். பெட்ரோல் விலை கணிசமாக குறையும்.
பொதுமக்களாகிய நாம் தான் இதற்கு ஆவண செய்ய வேண்டும்!
அநியாயம்! அநியாயம்! எங்கும் இல்லாத அநியாயம்
20 ரூபாய் பொருளுக்கு 5 அல்லது 10 ரூபாய் வரி போட்டால் சகித்துக் கொள்ளலாம் ஆனால் கிட்டதட்ட 200 சதவிகித அளவிற்கு வரி போடும் அபாயகரமான நிலையை யாராலும் ஏற்றுக் கொள்ள முடியாது.
ஆம் 22 ரூபாய் பெட்ரோலுக்கு 41 ரூபாய் வரி!
ஆங்கிலேயர்கள் காலத்தில் கூட எந்த பொருளுக்கும் இந்த அளவிற்கு வரி விதித்திருக்க மாட்டார்கள்.
சமீப காலமாக ஏற்படும் விலை வாசி உயர்வுக்கு பெட்ரோல் விலை உயர்வும் முக்கிய காணரம்!
இதை கண்டு கொள்ளாமல்அரசு மெத்தனமாகவே செயல்படுகின்றது.
இதில் வேடிக்கையான விசயம் என்னவெனில் தற்போது உள்ள பிரதமர் பொருளாதார வல்லுணராம் அது தொடர்பாக நிறைய படித்துள்ளாராம். என்னத்த படிச்சாரோ தெரியல..
அரசியல் வாதிகள் ஆட்சியில் இருக்கும் பொது பெட்ரோலுக்கு தங்களது சொந்த பணத்தை செலவிட்டால் தானே அதன் கஷ்டம் புரியும், இவர்கள் பெட்ரோல் அலவன்ஸ் என்ற பெயரில் அரசின் பணத்தை தானே தங்களது வாகனத்திற்கு செலவிடுகின்றனர்.
எனவே பொதுமக்களின் கஷ்டம் இவர்களுக்கு எங்கு தெரியப்போகின்றது.
எனவே இந்த அநியாயத்தை பொதுமக்கள், தட்டி கேட்க தவறினால் 200 சதவிகிதம் என்ன, பெட்ரோலுக்கு 500 சதவிகிதம் கூட இவர்கள் வரி விதிப்பார்கள்.

Tntj.net இணையதள நேயர்களுக்காக..

பெட்ரோல் விலை பற்றிய சிறப்பு ஆய்வு
அபு நபீலா
(விலை உயர்வால் பாதிக்கப்பட்டவன்)

புள்ளி விபரத்தில் சற்று கூடுதல் குறைவு இருப்பதாக யாருக்கும் தெரியவந்தால் தெரியப்படுத்தவும்.

Ref: MoneyControl , Indian gov Tax website, Press News, indian budget

வரலாற்று சாதனை புரிந்தது TNTJ மாணவர் அணி

அல்லாஹ்வுடைய மிகப்பெரிய கிருபையால் நமது தமிழ் நாடு தவ்ஹீத் ஜமாத் மாணவரணி ஓர் ஆண்டில் மட்டும் (28/05/08 to 31/05/09 - 53 வாரங்கள்) தமிழகத்தில் 80 இடங்களில் 113 கல்வி கருத்தங்குகளை நடத்தி சரித்திரம் படைத்துள்ளது.

தமிழகத்தில் எவ்வளவோ முஸ்லீம் அமைப்புகள் , கல்வி அறக்கட்டளைகள் இருந்தும் நமது சமுதாயத்தின் கல்வி வளர்ச்சிக்காக எந்த முயற்ச்சியும் எடுக்கவில்லை. காரணம் கல்வி அறக்கட்டளைகள் நடத்தும் இவர்கள் கல்வி சேவைக்காக அறக்கட்டளைகள் நடத்தாமல் காசு சம்பாதிக்க அறக்கட்டளை நடத்துகின்றனர். இவர்கள் கல்வி நிறுவனங்களை நிருவி சிறுபாண்மை கல்வி நிறுவனம் என்று அரசாங்கத்திடம் இருந்து சலுகைகளை பெற்றுக் கொண்டு ஏழை முஸ்லீம் மாணவர்களுக்கு உதவாமல், கல்வியை வியாபாரமாக்கி முஸ்லீம்களிடமே ஒரு சீட்டுக்கு இலச்சகணக்கில் கொள்ளை அடிக்கின்றனர். இவர்களால் அடித்தட்டு முஸ்லீம் மாணவர்களுக்கு எந்த பிரயோஜனமும் இல்லை. இதுவரை கல்வி செவையில் ஈடுபட்டவர்கள் வயதானவர்களாக இருந்த காரணத்தினாலும், தவ்ஹீத் இல்லாமையும், பெருமை, புகழ் விரும்பும் மனப்பான்மையும் பெரிய அளவில் இவர்களால் எதுவும் செய்ய இயலாமல் போனது.

இந்த சூழ்நிலையில் தமிழ்நாடு தவ்ஹீத் ஜமாத் முஸ்லீம்களுக்கு கல்வியில் வழிகாட்ட மாணவரணியை நிறுவி, கல்வி விழிப்புணர்வு பிராசாரத்தை மாநிலம் முழுவதும் முடுக்கிவிட்டது. இதனால் தவ்ஹீதை ஏற்ற படித்த இளைஞர்கள் வில்லில் இருந்து புறப்பட்ட அம்பு போல் தமிழகம் முழுவதும் இடைவிடாமல் அடித்தட்டு முஸ்லீம் மக்களின் கல்வி வளர்ச்சிகாக அரும்பாடுபட்டுக் கொண்டிருக்கின்றனர்.

கொட்டும் மழையையும் , கொளுத்தும் வெயிலையும் பொருட்படுத்தாமல் அல்லாஹ்வுடைய மிகப்பெரிய கிருபையால் ஒர் ஆண்டில் மட்டும் 80 இடங்களில் 113 கல்வி கருத்தங்குகளை நடத்தி உள்ளனர். இதுவரை எந்த முஸ்லீம் இயக்கமும் செய்திறாத சாதனையை நமது TNTJ மாணவரணி செய்துள்ளது. தவ்ஹீதை உயிர் மூச்சாக கொண்டவர்களால் மட்டுமே இம்மைக்கும் மறுமைக்கும் வழிகாட்டம் முடியும் என்பதை மீண்டும் நிருபித்துள்ளது,

தவ்ஹீத் தங்களின் வளர்சிக்கு தடையாக உள்ளது என்று கூறியவர்களால் இதை சாதிக்க முடியவில்லை.( ஓட்டும் வாங்க முடியவில்லை). இந்த கல்வி சேவையில் ஈடுபட்டவர்கள் தவ்ஹீத்வாதிகளாக இருப்பதினால்தான் உலக ஆதாயம் கருதாமல் மறுமை வெற்றி மட்டுமே குறிக்கோளக கொண்டு வேகத்தோடும் , வீரியத்தோடும் இத்தகைய சாதனைகளை புரிய முடிந்தது,
கல்வி சேவையோடு, முஸ்லீம் இளைஞர்களை ஒருங்கிணைக்கும் பணியில் த்மிழகத்தில் 120 -க்கும் மேற்பட்ட இடங்களில் மாணவரணியை வழுப்படுத்தி உள்ளனர். முஸ்லீம்களை வைத்து உலக ஆதாயம் தேட முயலும் போலி முஸ்லீம் அமைப்புகளை மாணவர்களும் இளைஞர்களும் புறகணித்து இம்மை மறுமைக்கும் வழிகாட்டும் தமிழ்நாடு தவ்ஹீத் ஜமாத் மாணவரணியில் சேர்ந்த வண்ணம் உள்ளனர்.

தமிழக முஸ்லீம் இளைஞர்களின் ஒட்டு மொத்த சக்த்தியாக நமது மாணவரணி உருப்பெற்றுள்ளது..

நமது மாணவரணி வரும் ஆண்டுகளில் கல்வி சேவையை தமிழகத்தின் அனைத்து கடை கோடி முஸ்லீம்களுக்கும் சென்றடையும் வகையில் தனது செயல்பாடுகளை பண்மடங்காக பெருக்க திட்டமிட்டுள்ளது இன்ஷா அல்லாஹ். நமது மாணவரணியின் சேவை இன்னும் சிறக்க அல்லாஹ்விடம் துவா செய்யுமாரு அன்புடன் கேட்டுக் கொள்கின்றோம்.

-S.சித்தீக்.M.Tech

TNTJ மாணவரணி கல்வி கருத்தரங்குகள் நடைபெற்ற 80 இடங்கள்

வட சென்னை மாவட்டம்
 1. நேதாஜி நகர்
2. ஏழுகினறு
3. மண்ணடி 
தென் சென்னை மாவட்டம் 
4. திருவல்லிகேணி
5. ஜாம்பஜார்
6. சேப்பாக்கம்
7. தரமணி 
காஞ்சி (மேற்கு) மாவட்டம் 
8. தாம்பரம்
9. பல்லாவரம்
10. குன்றத்தூர்
11.. காஞ்சிபுரம்
12. உத்திரமேரூர்
13. பீக்கங்கரனை
14. காமராஜபுரம்
15. ரங்கநாதஜபுரம் 
காஞ்சி (கிழக்கு) மாவட்டம் 
16. கல்பாக்கம்
17. கானத்தூர்

18.. செங்கல்பட்டு

19. கூடுவாஞ்சேரி (வள்ளளார் நகர்)  
திருவள்ளுர் மாவட்டம்
 20. பட்டாபிராம்

21. அரக்கோணம்

22. மதுரவாயல்

23. அம்பத்தூர்  
கடலூர் மாவட்டம்  
24. மேல்பட்டம் பாக்கம்
25. பரங்கி பேட்டை
விழுப்புரம் மாவட்டம் 
26. திண்டிவணம்  
வேலூர் மாவட்டம் 
27. பேரணம்பேட்
28. வேலூர் 
திருவன்ணாமலை மாவட்டம்  
29. வந்தவாசிகிருஷ்ணகிரி மாவட்டம்
30. ஓசூர் நாமக்கல் மாவட்டம்
 31. நாமக்கல்  
தர்மபுரி மாவட்டம் 
32. தர்மபுரி  
தஞ்சாவூர்(வடக்கு) மாவட்டம் 
33. கும்பகோணம்
34. வழுத்தூர்

35. கதிராமங்களம்

36. சோழபுரம்

37. ஆவூர் 
தஞ்சாவூர்(தெற்கு) மாவட்டம்  
38. பட்டுகோட்டை  
திருவாரூர் மாவட்டம் 
 39. திருவாரூர்
40. முத்துபேட்டை 
நாகை(வடக்கு) மாவட்டம் 
41. அரசூர்
42. துளசேந்திரபுரம் 
நாகை(தெற்கு) மாவட்டம் 
43. நாகபட்டினம்

44. நாகூர் 
திருச்சி மாவட்டம்
 45. சிங்காரதோப்பு  
பெரம்பலூர் மாவட்டம்
46. லெப்பைகுடி காடு 
புதுக்கோட்டை மாவட்டம்
47. புதுகோட்டை
48. அம்மாபட்டினம்

49. அறந்தாங்கி  
இராமநாதபுரம் மாவட்டம்  
50. இராம்நாட்
51. கீழகரை  
சிவகங்கை மாவட்டம் 
52. திருப்பத்தூர்
53. காரைகுடி

54.. இளையான்குடி

55. புதுவயல்  
கோவை மாவட்டம் 
56. போத்தனூர்
57. ஆனைமலை

58. ஆசாத் நகர்

59. பொள்ளாச்சி 
திருப்பூர் மாவட்டம்
 60. திருப்பூர்

61. மங்களம்
ஈரோடு மாவட்டம் 
62. தாராபுரம்

63. ஈரோடு  
சேலம் மாவட்டம்  
64. சேலம்  
மதுரை மாவட்டம் 
65. காய்தேமில்லத் நகர்
66. அவனியாபுரம்

67. வில்லாபுரம்
தேனி மாவட்டம் 
68. கம்பம்  
திண்டுக்கல் மாவட்டம் 
69. பேகம்பூர் 
விருதுநகர் மாவட்டம் 7
0. விருது நகர்
71. அருப்புகோட்டை
நெல்லை மாவட்டம் 
72. மேலப்பாளையம்

73. பாளையங்கோட்டை (ரஹ்மத் நகர்) 
தூத்துக்குடி மாவட்டம் 
74. செய்யுதுங்க நல்லூர்
75. ஆராம்பன்னை
76. தொங்கராங்குறிச்சி  
குமரி மாவட்டம்
77. தக்கலை  
பாண்டிசேரி 
78. சுல்தான்பேட்டை  
காரைகால்  
79. காரைகால் 
80. TR பட்டினம்